නිපුණතාව 3.0 –
|
රසායනික ගණනය කිරීම් නිවැරදි ව සිදු කරයි. |
නිපුණතා මට්ටම 3.1 –
|
පරමාණුවේ හා අණු සම්බන්ධ භෞතික රාශි උපයෝගී කර රසායනික සූත්ර නිර්ණය කිරීමට, අදාළ නියත භාවිත කර ගණනයන් සිදු කරයි. |
කාලච්ඡේද ගණන –
|
13 |
ඉගෙනුම් ඵල –
|
- දෙන ලද ප්රභේදයක ඇතුළත් පරමාණුවල ඔක්සිකරණ අංකය සොයයි.
- IUPAC නීති භාවිත කර රසායනික සූත්ර හා නාම ලියයි.
- නිරන්තරයෙන් භාවිත වන රසායනික සංයෝගවල සාමාන්ය නාම සඳහන් කරයි.
- ඇවගාඞ්රෝ නියතයේ (L) අගය ඒකක සහිත ව සඳහන් කරයි.
- මවුල සහ ඇවගාඞ්රෝ නියතයට සම්බන්ධ ගණනය කිරීම් සිදු කරයි.
- ප්රතිශත සංයුතිය දන්නා විට ආනුභවික සූත්රය නිර්ණය කරයි.
- ආනුභවික සූත්රය හා අණුක ස්කන්ධය දන්නා විට අණුක සූත්රය නිර්ණය කරයි.
- අණුක සූත්රය දී ඇති විට එහි අඩංගු මූලද්රව්යවල සංයුති ගණනය කරයි.
- සංයුතියෙහි පරාමිති (ස්කන්ධ භාගය, පරිමා භාගය, මවුල භාගය, සාන්ද්රණය) සමාලෝචනය කරයි.
- ස්කන්ධ භාගය, පරිමා භාගය හා මවුල භාගය සම්බන්ධ ගැටලු විසඳයි.
- ඒකක පරිමාවක ඇතුළත් ද්රාව්ය මවුල ප්රමාණය සාන්ද්රණය ලෙස අර්ථදක්වයි. (mol/volume)
- ඉතා කුඩා ප්රමාණවලින් අඩංගු ද්රව්යයන්ගේ සංයුති ප්රකාශ කිරීමට ppm හා ppb භාවිත කරයි.
- සංයුතිය ස්කන්ධය/ පරිමාව, ප්රමාණය/ පරිමාව ලෙස ප්රකාශ කරයි.
- ස්කන්ධය / පරිමාව සහ ප්රමාණය / පරිමාව (සාන්ද්රණය) සම්බන්ධ ගැටලු විසඳයි.
- විද්යාගාරයේ ඇති පිපෙට්ටු, බියුරෙට්ටු, බීකර, මිනුම් සරා වැනි
වීදුරු උපකරණ සහ සිව් දඬු තුලාව නිවැරදි ව පරිහරණය කරයි.
|
පාඩම් සැලසුම් සඳහා උපදෙස් –
|
- විවිධ රසායනික සංයෝගවල අඩංගු සංඝටක පරමාණුවල ඔක්සිකරණ අංකය ලබා
ගන්නා අයුරු පැහැදිලි කරන්න.
- IUPAC නීති භාවිතයෙන් රසායනික සූත්ර ලිවීමට සිසුන් යොමු කරන්න.
- සිසුන් කණ්ඩායම් කර අප නිතර භාවිත කරන සුලභ රසායනික සංයෝගවල සාමාන්ය
නම් සෙවීමට යොමු කරන්න.
- රසායනික ගණනයේ දී ඇවගාඞ්රෝ නියතයේ වැදගත්කම සුදුසු උදාහරණ මගින්
පැහැදිලි කරන්න.
- මවුල සහ ඇවගාඞ්රෝ නියතය මත පදනම් වූ ගණනය කිරීම් සිදු කිරීමට සිසුන්ට මග
පෙන්වන්න.
- සංයෝගයක ආනුභවික සූත්රය හා අණුක සූත්රය හඳුන්වා දී එම සූත්ර දෙක අතර වෙනස
හඳුනා ගැනීමට සුදුසු නිදසුන් ඉදිරිපත් කරමින් සහාය වන්න.
- සංයෝගවල සංයුති යොදා ගනිමින් ආනුභවික සූත්රය හා අණුක සූත්රය නිර්ණය කිරීමට
මග පෙන්වන්න.
- නිදසුන් යොදා ගනිමින් සංයුතිය ප්රකාශ කළ හැකි පරාමිති හඳුනා ගැනීමට උදව් කරන්න.
(ස්කන්ධ භාගය, පරිමා භාගය, මවුල භාගය හා ප්රමාණය/ස්කන්ධය)
- සාන්ද්රණය හඳුන්වා දී එය මවුල ප්රමාණය/ පරිමාව යන පද මගින් ප්රකාශ කළ හැකි බව
පෙන්වා දෙන්න.
- සිසුන් කණ්ඩායම් කර සුදුසු උදාහරණ මගින් සංයුතිය සහ සාන්ද්රණය සම්බන්ධ ගණනය
කිරීම් සිදු කිරීමට මග පෙන්වන්න.
- විද්යාගාරයේ ඇති වීදුරු උපකරණවල වැදගත්කම හා ප්රයෝජන සඳහන් කර ඒවා
ආදර්ශනය කරමින් සිසුන්ට ද ඒවා භාවිත කිරීම් හුරු වීමට අවස්ථාව සලසා දෙන්න.
- සිව් දඬු තුලාව නිවැරදි ව භාවිත කිරීමට මඟ පෙන්වන්න.
|
අදාල පරීක්ෂණ –
|
- විද්යාගාරයේ ඇති වීදුරු උපකරණ හා සිව් දඩු තුලාව භාවිතා කිරීම
|
ඇගයීම් හා තක්සේරුකරණය –
|
- සංයුතිය හා සාන්ද්රණය මත පදනම් වී ඇති විවිධ වර්ගයේ ගණනයන් සිදු කිරීමට ඇති
හැකියාව අගයන්න.
|