“අධිෂ්ඨානයෙන් අවදිවන්න සංතෘප්තියෙන් නින්දට යන්න”
මේ සුප්රකට කියමන ඇතුළෙ වචන සිය දහස් ගාණකින් ඕනේ අදහසක් හැංගිලා තියනවා. එක රැයින් අපිට කවදාවත් අපේ ඉලක්කය කරා ළගා වෙන්න බෑ. ඒ ගමන දුරයි. පියවරෙන් පියවර ඒ වෙත ළගා වෙන්න ඕනේ. මේ ගෙවෙන හැම තත්පරයක්ම, හැම දවසක්ම අපිට වැදගත් වෙන්නේ අන්න ඒ නිසා.
උදෑසන අවදිවෙන ඔබ තමන්ගේ අනාගත ඉලක්කය වෙනුවෙන් අද දවසට කළ යුතු කාර්යය ගැන අවධානය යොමු කරන්න. අද කළ යුතු දේ සාර්ථකව අවසන් කරන්න. ඒ වෙනුවෙන් වැඩ කරන්න.
එවිට ඔබට සංතෘප්තියෙන් නින්දට යන්න පුළුවන්. හැම උදෑසනකම අධිෂ්ඨානයෙන් අවදිවෙලා සංතෘප්තියෙන් නින්දට යන ඔබට ඉලක්කය කරා යන ගමනෙ දැනෙන වෙහෙස ඉතාම අල්පව දැනෙනබව නම් ඒකාන්තයි.