A/Level Chemistry Syllabus

11 ඒකකය – චාලක රසායනය

ඒකකය 11 – චාලක රසායනය

 

නිපුණතාව 11.0 –

රසායනික ප්‍රතික්‍රියාවක සීඝ්‍රතාව නිර්ණය කිරීමට හා ප්‍රතික්‍රියා සීඝ්‍රතාව සුදුසු පරිදි පාලනය කිරීමට චාලක රසායන විද්‍යා මුල ධර්ම යොදා ගනියි

නිපුණතා මට්ටම 11.1 –

ප්‍රතික්‍රියාවක සීඝ්‍රතාවය හදුන්වා දී රසායනික ප්‍රතික්‍රියා කෙරෙහි බලපාන සාධක නිර්ණය කරයි

කාලච්ඡේද ගණන –

08

ඉගෙනුම් ඵල –

  • ජලය, H3PO2, CuCl , CuCN , CuBr හා KI සමඟ ඩයසෝනියම් ලවණවල ප්‍රතික්‍රියා ලියයි
  • රසායනික ප්‍රතික්‍රියාවක් aA + bB ⇒ cC + dD ලෙස සාමාන්‍යකරණය කරයි
  • ප්‍රතික්‍රියාවක ශීඝ්‍රතාව මැනීමේදී, ද්‍රව්‍ය සාන්ද්‍රණය වෙනස් වීම මැනීම මූලික සාධකය ලෙස දක්වයි
  • ප්‍රතික්‍රියාවක ශීඝ්‍රතාව සෙවීමේදී, A ප්‍රතික්‍රියකයට සාපේක්‍ෂව සාන්‍ද්‍රණය වෙනස්වීමේ ශීඝ්‍රතාවය       (-ΔCA/Δt) ලෙස ද, D ඵලයට සාපේක්‍ෂව සාන්‍ද්‍රණය වෙනස්වීමේ ශීඝ්‍රතාවය (ΔCD/Δt) ලෙසද අර්ථදක්වයි
  • දෙන ලද ප්‍රතික්‍රියාවක එක් එක් ප්‍රතික්‍රියකය ඉවෙත්වීමේ ශීඝ්‍රතාවය, එක් එක් ඵලය සෑදීමේ ශීඝ්‍රතාවයට සමාන නොවන බව ප්‍රකාශකරයි
  • ප්‍රතික්‍රියකයක් ඉවත්වීමේ ශීඝ්‍රතාව හෝ ඵලයක් උත්පාදනය වීමේ ශ්‍රීඝ්‍රතාව හෝ අදාල සංඝටකයේ ස්ටොයිකියෝමිතික සංගුණකය මත රඳාපවතින බව ප්‍රකාශ කරයි
  • මේ අනුව ප්‍රතික්‍රියාවක ශීඝ්‍රතාව

          ප්‍රකාශ කරයි

  • ශීඝ්‍රතාවය යනු ඒකක කාලයකදී සිදුවන සාන්‍ද්‍රණයේ වෙනස බව උදාහරණ භාවිතා කරමින් ප්‍රකාශ කරයි
  • දෙන ලද නියත වෙනසක් සිදුවීම සඳහා ගතවන කාලය, ශීඝ්‍රතාවය මැනීම සදහා යොදා ගතහැකි බව උදාහරණ මගින් පෙන්වා දෙයි. (සිඝ්‍රතාව ∝ 1/t)
  • විවිධ ශීඝ්‍රතාවලින් සිදුවන ප්‍රතික්‍රියා සැසදීම සඳහා අවශ්‍ය උදාහරණ ඉදිරිපත් කරයි
  • ප්‍රතික්‍රියාවක ශීඝ්‍රතාවය නිර්ණය කිරීමට ප්‍රමාණ හෝ සාන්ද්‍රණ මත රදා පවතින ගුණ (වර්ණතීව්‍රතාවය, ආවිලතාවය වැනි) යොදා ගත හැකි බව ප්‍රකාශ කරයි
  • ප්‍රතික්‍රියාවක ශීඝ්‍රතාවය කෙරෙහි බලපාන සාධක ලෙස උෂ්ණත්වය, සාන්‍ද්‍රණය, පීඩනය, භෞතික ලක්ෂණ (ප්‍රතික්‍රියකවල පෘෂ්ඨික වර්ගඵලය) උත්ප්‍රේරක හදුනාගනියි
  • සීඝ්‍රතාවය නිර්ණය කිරීම සඳහා පහසුවෙන් කාලය මැනිය හැකි සිදුවන ප්‍රතික්‍රියා සදහා උදාහරණ සපයයි

පාඩම් සැලසුම් සඳහා උපදෙස් –

  • ප්‍රතික්‍රියක සහ ඵල අනුසාරයෙන් ප්‍රතික්‍රියාවක සීඝ්‍රතාවය අර්ථ දක්වන්න. aA + bB ⇒ cC + dD ප්‍රතික්‍රියාවක ශීඝ්‍රතාවය – (-ΔCA/Δt) හෝ ප්‍රතික්‍රියාවේ සීඝ්‍රතාවය – (ΔCD/Δt)               (ප්‍රතික්‍රියක වැයවීමේ සිඝ්‍රතාවය)                        (ඵල සෑදීමේ සීඝ්‍රතාව)
  • යම් ප්‍රතික්‍රියාවකදී එක් එක් ප්‍රතික්‍රියකය ඉවත් වන හෝ එක් එක් ඵලය සෑදෙන හෝ සීඝ්‍රතා එකිනෙකට සමාන නොවන බව අවධාරණය කරන්න
  • ප්‍රතික්‍රියකයක් ඉවත් වීමේ සීඝ්‍රතාව හෝ ඵලයක් සැදීමේ සීඝ්‍රතාව හෝ අදාල සංඝටකයක් ස්ටොයිතියොමිතික සංගුණිකය මත රදා පවතින බව පවසන්න
  • ප්‍රතික්‍රියක වැයවීමේ සීඝ්‍රතාව සහ ඵල සෑදීමේ සීඝ්‍රතා පහත පරිදි සන්සන්දනය කළ හැකිබව පවසන්න
  • aA + bB ⇒ cC + dD යන ප්‍රතික්‍රියාව සඳහා

  • ඕනෑම ආකාරයේ ප්‍රතික්‍රියාවක් සඳහා සීඝ්‍රතාව යනු ඒකක කාලයකදී යම් ප්‍රභේදයක සිදුවන සාන්ද්‍රණ වෙනස ලෙස සැලකෙන බව හදුන්වා දෙන්න
  • සුදුසු නිදසුන් සපයමින් විවිධ ප්‍රතික්‍රියාවල සීඝ්‍රතා සන්සන්දනය කරන්න
  • ප්‍රතික්‍රියාවක සීඝ්‍රතාව මැනීමට යොදා ගත හැකි වර්ණය, ආම්ලකතාවය වායු නිදහස්වීම ආදී සාධක පිළිබඳව සාකච්ඡා කරන්න
  • ප්‍රතික්‍රියාවක සීඝ්‍රතාව කෙරෙහි බලපාන සාධක විස්තර කරන්න. (උෂ්ණත්වය, සාන්ද්‍රණය/ පීඩනය, භෞතික ස්වභාවය, උත්ප්‍රේරක)

ඇගයීම් හා තක්සේරුකරණය –

  • යම් ප්‍රතික්‍රියාවක එක් සංඝටකයක් වැයවීමේ/ සැදීමේ සීඝ්‍රතාව දී ඇති විට එක්එ ක් සංඝටක වැයවීමේ/ සීඝ්‍රතා සන්සන්දනය කිරීමට ඇති හැකියාව අගයන්න
  • (ΔC/Δt) යොදා ගනිමින් සාන්ද්‍රණය හා කාලයදී ඇති විට ප්‍රතික්‍රියාවක සීඝ්‍රතාවය ගණනය කිරීමට ඇති හැකියාව අගයන්න
  • ප්‍රතික්‍රියා සීඝ්‍රතා මැනීමට භාවිතා කළ හැකි ක්‍රම පැවසීමට ඇති හැකියාව ප්‍රශ්න ඇසීම මගින් තක්සේරු කරන්න

නිපුණතා මට්ටම  11.2 –

රසායනික ප්‍රතික්‍රියාවක ශීඝ්‍රතාව කෙරෙහි විවිධ සාධකවල බලපෑම විග්‍රහ කිරීමට අණුක චාලක වාදය යොදා ගනියි

කාලච්ඡේද ගණන –

06

ඉගෙනුම් ඵල –

  • තනි පියවර ප්‍රතික්‍රියාවක් සඳහා ශක්ති සටහන් අඳියි
  • සක්‍රියන ශක්තිය අර්ථ දක්වයි
  • ප්‍රතික්‍රියාවක් සිදුවීම සඳහා සපුරාලිය යුතු අවශ්‍යතා ලැයිස්තුගත කරයි
  • උෂ්ණත්වය වැඩිකිරීමේ දී අණුවල චාලක ශක්තිය වැඩි වන බව ප්‍රකාශ කරයි
  • වෙනස් උෂ්ණත්ව දෙකකදී වායු අණු සඳහා බොල්ට්ස්මාන් ව්‍යාප්ති වක්‍ර ඇඳ, එම උෂ්ණත්ව දෙකෙහිදී වායු අණුවල චාලක ශක්ති සසඳයි
  • උෂ්ණත්වය වැඩි වන විට, අණුවල චාලක ශක්තිය වැඩි වී සංඝට්ටන සංඛ්‍යාවද වැඩි වන බැවින් ප්‍රතික්‍රියා ශීඝ්‍රතාව වැඩිවන බව විස්තර කරයි
  • සාන්‍ද්‍රණ සංකල්පය උපයෝගීකර ඒකක පරිමාවකදී හා ඒකක කාලයකදී සිදුවන සංඝට්ටන සංඛ්‍යාවේ වැඩිවීම විස්තර කරයි

පාඩම් සැලසුම් සඳහා උපදෙස් –

  • ප්‍රතික්‍රියාවක සක්‍රියන ශක්තිය අර්ථ දක්වන්න
  • තනි පියවර ප්‍රතික්‍රියාවන් සඳහා ශක්ති සටහනක් අදින ආකාරය පැහැදිලි කරන්න
  • සංඝට්ටන වාදයට අනුව ප්‍රතික්‍රියාවක් සිදුවීමට අවශ්‍ය මුලික අවශ්‍යතා විස්තර කරන්න
  • වායුමය අණු සඳහා උෂ්ණත්ව දෙකකදී බෝල්ට්ස්මාන් ව්‍යාප්ති වක්‍ර අදින්න
  • ඉහත වක්‍ර අනුසාරයෙන් විවිධ උෂ්ණත්ව වලදි අණුවල චාලක ශක්තිය විචලනය වන ආකාරය සන්සන්දනය කරන්න
  • උෂ්ණත්වය වැඩි කල විට ප්‍රතික්‍රියාවක සීඝ්‍රතාවය වැඩිවීමට බලපාන හේතු පැහැදිලි කරන්න

ඇගයීම් හා තක්සේරුකරණය –

  • දෙන ලද උෂ්ණත්වකයදී දෙන ලද වායු සඳහා නිවැරදි බෝල්ට්ස්මාන් ව්‍යාප්ත වක්‍ර ඇදීමට ඇති හැකියාව අගයන්න
  • දෙන ලද තනි පියවර තාප අවශෝෂක හා තාප දායක ප්‍රතික්‍රියා සඳහා ශක්ති සටහන් ඇදීමට ඇති හැකියාව අගයන්න
  • දෙන ලද ප්‍රතිවර්ත්‍ය ප්‍රතික්‍රියාවක ඉදිරි සහ ආපසු ප්‍රතික්‍රියාවල සක්‍රියතා ශක්ති සන්සන්දනය කිරීමට ඇති හැකියාව අගයන්න

නිපුණතා මට්ටම 11.3 –

ප්‍රතික්‍රියක සාන්ද්‍රණය උක්ත පරිදි හසුරුවමින් ප්‍රතික්‍රියා ශීඝ්‍රතාවය පාලනය කරන අයුරු විමර්ශනය කරයි

කාලච්ඡේද ගණන –

13

ඉගෙනුම් ඵල –

  • සුදුසු ප්‍රස්ථාර අනුසාරයෙන් ප්‍රකික්‍රියාවක ආරම්භක ශීඝ්‍රතාව, ක්ෂණික ශීඝ්‍රතාවය සහ මධ්‍යන්‍ය ශීඝ්‍රතාව නිරූපණය කරයි
  • දෙන ලද ප්‍රතක්‍රියාවක් සඳහා එහි පෙල හා සාන්ද්‍රණය එම ප්‍රතික්‍රියාවේ ශීඝ්‍රතාවය කෙරෙහි බලපාන ආකාරය විස්තර කරයි
  • ප්‍රතික්‍රියාවක ශීඝ්‍රතා නියමය ශීඝ්‍රතාව = k[A]x[B]y
  • සීඝ්‍රතා නියමයේ ඇති පද අර්ථ දක්වයි
  • ශුන්‍ය පෙළ, පළමු පෙළ හා දෙවන පෙළ ප්‍රතික්‍රියා සඳහා ශීඝ්‍රතා නියමයේ සමීකරණ ලියා දක්වයි
  • ශුන්‍ය පෙළ, පළමුපෙළ හා දෙවන පෙළ ප්‍රතික්‍රියා සඳහා ශීඝ්‍රතා නියතයෙහි ඒකක (පරිමේය ඒකක හා පරිමේය නොවන ඒකක) ව්‍යුත්පන්න කරයි
  • ප්‍රතික්‍රියාවක සමස්ථ පෙළ අර්ථ කථනය කරයි
  • ශුන්‍ය පෙළ පළමු පෙළ හා දෙවන පෙළ ප්‍රතික්‍රියාවල ශීඝ්‍රතාවය කෙරෙහි සාන්ද්‍රණයේ බලපෑම ප්‍රස්ථාරිකව පෙන්නුම් කරයි
  • ප්‍රතික්‍රියාවක අර්ධ ජීව කාලය අර්ථ කථනය කරයි
  • පළමු පෙළ ප්‍රතික්‍රියාවක අර්ධ ජීව කාලය සාන්‍ද්‍රණය මත රඳා නොපවතින බව පැහැදිලි කරයි
  • විවිධ පෙළ වලට අයත් ප්‍රතික්‍රියා සඳහා උදාහරණ සපයයි
  • ශූන්‍ය පෙළ, පළමු පෙළ හා දෙවන පෙළ ප්‍රතික්‍රියා විදහා දැක්වීම සඳහා පරීක්‍ෂණ සිදු කරයි
  • පරීක්ෂණාත්මකව ලබාගත් දත්ත භාවිතා කරමින් විවිධ ප්‍රතික්‍රියක සඳහා ඊට අදාළ ප්‍රතික්‍රියා පෙළ නිර්ණය කරයි
  • ශීඝ්‍රතා නියමය හා ප්‍රතික්‍රියා පෙළ ආශ්‍රිත ගැටලු විසදයි

පාඩම් සැලසුම් සඳහා උපදෙස් –

  • ප්‍රතික්‍රියා සීඝ්‍රතාව ප්‍රකාශ කල හැකි ආකාර සදහන් කරන්න
  • සුදුසු උදාහරණ මගින් ප්‍රතික්‍රියාවක ආරම්භක සීඝ්‍රතාව, කිසියම් මොහොතක සීඝ්‍රතාව හා මධ්‍යයනය සීඝ්‍රතාව අර්ථ දක්වන්න
  • සීඝ්‍රතා නියමය හදුන්වා දෙමින් ප්‍රතික්‍රියාවක සීඝ්‍රතාවය කෙරෙහි සාන්ද්‍රණයේ බලපෑම විස්තර කරන්න
  • සීඝ්‍රතා නියතය සහ යම් කිසි ප්‍රතික්‍රියකයකට සාපේක්ෂව ප්‍රතික්‍රියාවේ පෙළ යන පද පැහැදිලි කරන්න
  • ප්‍රතික්‍රියාවක සමස්ත පෙළ යන්නෙන් කුමක් අදහස් කරන්නේ දැයි පෙන්වා දෙන්න
  • දෙන ලද විවිධ ප්‍රතික්‍රියා සදහා සීඝ්‍රතා නියමයට අදාල ප්‍රකාශන ලියා දක්වන්න
  • ශුන්‍ය පෙළ, පළමු පෙල හා දෙවන පෙල ප්‍රතික්‍රියා සඳහා සීඝ්‍රතා නියතයෙහි ඒකක ව්‍යුත්පන්න කරන්න
  • පළමු පෙළ ප්‍රතික්‍රියාවක අර්ධ ජීව කාලය එහි ප්‍රතික්‍රියක සාන්ද්‍රණය මත රඳා නොපවතින බව සුදුසු උදාහරණ මගින් පෙන්වා දෙන්න
  • Mg හා HCl අතර සහ Na2S2O3 හා HNO3 අතර සිදුවන ප්‍රතික්‍රියා වල පෙල නිර්ණය කිරීම සදහා පරීක්ෂණ මෙහෙයවන ආකාරය පැහැදිලි කරන්න
  • විවිධ පරීක්ෂණ සදහා දෙන ලද දත්ත මගින් සීඝ්‍රතා නියමය අධ්‍යයනය කිරීම සදහා සුදුසු ගැටලු විසදන්න

අදාල පරීක්ෂණ –

  • Mg හා අම්ල අතර ප්‍රතික්‍රියාවේ සීඝ්‍රතාවය කෙරෙහි අම්ල සාන්ද්‍රණයේ බලපැම පරීක්ෂණාත්මකව නිර්ණය කිරීම
  • Na2S2O3 හා HNO3 අම්ලය අතර ප්‍රතික්‍රියාවේ සීඝ්‍රතාව කෙරෙහි එක් එක්ප්‍ රතික්‍රිකයේ බලපෑම පරීක්ෂණාත්මකව නිර්ණය කිරීම

ඇගයීම් හා තක්සේරුකරණය –

  • දෙන ලද ප්‍රතික්‍රියා සදහා සීඝ්‍රතා නියමයට අදාල ප්‍රකාශණ ලිවීිමට ඇති හැකියාව අගයන්න
  • දෙන ලද පරීක්ෂණාත්මක දත්ත මගින් දෙන ලද සංඝටකයකට සාපේක්ෂව ප්‍රතික්‍රියාවේ පෙළ නිර්නය කිරීමට ඇති හැකියාව අගයන්න
  • දෙන ලද දත්ත යොදා ගනිමින් ප්‍රතික්‍රියාවක අර්ධ ජීව කාලය ගණනය කිරීමට ඇති හැකියාව අගයන්න

නිපුණතා මට්ටම  11.4 –

ප්‍රතික්‍රියා ශීඝ්‍රතාවය කෙරෙහි භෞතික ස්වභාවය හා උත්ප්‍රේරකවල බලපෑම විමර්ශනය කරයි

කාලච්ඡේද ගණන –

06

ඉගෙනුම් ඵල –

  • ඝන ප්‍රතික්‍රියා කයක පෘෂ්ඨික වර්ගඵලය වැඩිකල විට සංඝට්ටන සංඛ්‍යාව වැඩිවන බැවින් ප්‍රතික්‍රියා ශීඝ්‍රතාව වැඩිවන බව ප්‍රකාශ කරයි
  • ප්‍රතික්‍රියාවක ශීඝ්‍රතාව කෙරෙහි උත්ප්‍රේරකයක බලපෑම ප්‍රතික්‍රියාවේ සක්‍රියන ශක්තිය ඇසුරින් විස්තර කරයි

පාඩම් සැලසුම් සඳහා උපදෙස් –

  • ප්‍රතික්‍රියාවක් සිදුවීමට සපුරාලිය යුතු අවශ්‍යතා සලකමින් ප්‍රතික්‍රියාවක සීඝ්‍රතාවය කෙරෙහි ප්‍රතික්‍රියකයක භෞතික ස්වභාවය බලපාන අයුරු පැහැදිලි කරන්න
  • බොලට්ස්මාන්ව්‍යාප්ති සහ සක්‍රියන ශක්ති සංකල්පය යොදා ගනිමින් ප්‍රතික්‍රියාවක සීඝ්‍රතාවය කෙරෙහි උත්ප්‍රේරක වල බලපෑම විස්තර කරන්න

ඇගයීම් හා තක්සේරුකරණය –

  • ශක්ති සටහන් යොදා ගනිමින් උත්ප්‍රේරක රහිත ප්‍රතික්‍රියාවක් හා උත්ප්‍රේරක සහිත ප්‍රතික්‍රියාවක් වෙන් කර හදුනා ගැනීමට ඇති හැකියාව අගයන්න

නිපුණතා මට්ටම 11.5 –

රසායනික ප්‍රතික්‍රියාවක ශීඝ්‍රතාවය විග්‍රහ කිරීමට ප්‍රතික්‍රියා යාන්ත්‍රණය යොදා ගනියි

කාලච්ඡේද ගණන –

11

ඉගෙනුම් ඵල –

  • මූලික ප්‍රතික්‍රියා, බහුපියවර ප්‍රතික්‍රියා වලින් වෙන් කර හදුනා ගනියි
  • ප්‍රතික්‍රියාවක පෙළ හා සාන්‍ද්‍රණය අතර සම්බන්ධතාව පැහැදිලි කරයි
  • ශක්ති සටහන් අඳියි
  • ශක්ති සටහනක අතරමැදි අවස්ථා හා සංක්‍රමණ අවස්ථා හඳුනා ගනියි
  • මුලික ප්‍රතික්‍රියා සහ බහු පියවර ප්‍රතික්‍රියාවල පෙළ සහ අණුකතාවය පැහැදිලි කරයි
  • සංඝට්ටන හේතුකොටගෙන සිදුවන දේ චාලක රසායනයේ මූලික සිද්ධාන්ත උපයොගී කරගෙන පැහැදිලි කරීි මට, ප්‍රතික්‍රියා සඳහා ශක්ති සටහන් ගොඩනංවයි
  • Fe3+ අයන සාන්‍ද්‍රණය Fe3+ හා I අතර ප්‍රතික්‍රියා ශීඝ්‍රතාවය කෙරෙහි බලපෑම විස්තර කරයි
  • ප්‍රතික්‍රියා යාන්ත්‍රණය හා සමස්ථ පෙළ අතර ඇති සම්බන්ධතාව පැහැදිලි කරයි
  • ශක්ති සටහන් භාවිතා කරමින් ප්‍රතික්‍රියාවක යාන්ත්‍රනය සහ වේග නිර්ණ පියවර නිර්ණය කරයි

පාඩම් සැලසුම් සඳහා උපදෙස් –

  • සුදුසු නිදසුන් යොදා ගනිමින් බහු පියවර ප්‍රතික්‍රියා හදුන්වා දෙන්න
  • මුලික ප්‍රතික්‍රියාවක් (පළමු පෙළ) හා බහු පියවර ප්‍රතික්‍රියාවක් පිළිබදව ඒවායේ ප්‍රතික්‍රියා යාන්ත්‍රණ සැලකිල්ලට ගනිමින් වෙන්කර හදුන්වා දෙන්න
  • ප්‍රතික්‍රියාවක පෙළ සහ එහි යාන්ත්‍රනය අතර ඇති සම්බන්ධය පැහැදිලි කරන්න
  • බහුපියවර ප්‍රතික්‍රියා සදහා ශක්ති සටහන් ඇඳ දක්වන්න
  • සුදුසු උදාහරණ යොද ගනිමින් ප්‍රතික්‍රියාවක අතර මැදි ඵල හා සංක්‍රමණ අවස්ථා පිළිබඳව හදුන්වා දෙන්න
  • ප්‍රතික්‍රියාවක අණුකතාව යන්නෙන් අදහස් කරන්නේ කුමක්දැයි පෙන්වා දෙන්න
  • බහු පියවර ප්‍රතක්‍රියාවක සීඝ්‍රතා නිර්ණය කරන පියවර වන්නේ කුමක්දැයි පැහැදිලි කරන්න
  • Fe3+ සහ I අතර ප්‍රතික්‍රියාවේ ශීඝ්‍රතාවය කෙරෙහි Fe3+(m) අයන වල සාන්ද්‍රණය බලපාන අයුරු එහි සාන්ද්‍රණය යොදා ගනිමින් පැහැදිලි කරන්න

අදාල පරීක්ෂණ –

  • Fe3+ සහ I අතර ප්‍රතික්‍රියාවේ Fe3+ ට සාපේක්ෂව ප්‍රතික්‍රියාවේ පෙල පරික්ෂණාත්මකව නිර්නය කිරීම

ඇගයීම් හා තක්සේරුකරණය –

  • ප්‍රතික්‍රියාවක පියවර දී ඇති විට එහි වේග නිර්ණ පියවර හදුනා ගැනීමට ඇති හැකියාව අගයන්න
  • දෙන ලද බහු පියවර ප්‍රතික්‍රියාවක් සඳහා උත්ප්‍රේරක ඇති විට හා නැති විට ඒවායේ ශක්ති සටහන් ඇදීමට ඇති හැකියාව අගයන්න

You Might Also Like